Bati Nineung ti Nu Nineung

judulna mah keur diajar dasar-dasar kacapi tembang :)

adhiawardana — Fri, 09 Jan 2009 03:56:21 +0000

geus sababaraha waktu katukang, si kuring ngamimitian diajar kacapi tembang, rada hésé ogé geuning ngarubah téhnik ngacapi, nu biasa kana kacapi kawih ayeuna pindah ka tembang.
ah, ceuk batur téh, lain hésé meureun… kuring na wé nu bodo héhéhéhé

pokona mah kuring ngan hayang ngabagi naon nu geus diajarkeun ku guru kuring, kang Juli Kartawinata, ka kuring. kieu cenah pedaran ti anjeuna.

Kahiji mah apalkeun heula pola dasar nu jiga kieu:

pola Cacag

saterusna

pola Beulit

pola Golosor

pola Papageran

Pola Golosor deui

pola Gulung

Terus ari geus apal mah sakabéhna dihijikeun.

Anu warnana BEUREUM téh minangkana panangan Kenca—Anu warnana hideung téh panangan katuhu.
peun heula nya… ké urang teruskeun deui, sakalian jeung conto dina mp3 na.

Punten ah si kuring mah sok nyanyahoan….

Dokumentasi Kagiatan

adhiawardana — Fri, 09 Jan 2009 03:36:38 +0000

hapunten pisan dugi ka denget ieu si kuring can bisa waé publikasikeun hasil-hasil gempungan nu diayakeun di padépokan kudihyang, kusabab sasabaraha hal.

ka kang Bayu, hapunten nya kang teu acan tiasa nyumponan jangji. Insya Alloh minggu-minggu ieu kuring rék nganggeuskeun dokumentasi nu keur dipigawé.

tempat diajar kacapi?

adhiawardana — Fri, 19 Dec 2008 02:12:42 +0000

Saha nu hoyong diajar kacapi?

ti baheula kuring resep kana seni sunda, boh ngadangukeun boh diajar jang maénkeun alat-alatna. Anu paling resep mah sim kuring téh maenkeun kacapi.
Ngan nya kitu téa.. masalahna ari hayang diajar kacapi mah hésé lamun kudu ngulik sorangan, nyontoan tina kaset atawa cd téh. jadi angger wé perlu aya ‘guru’ anu ngajarkeun, minimal dasar-dasarna, pami urang leukeun mah tangtu diteruskeun nepi ka mahirna.
Sabenerna mah loba ahli kacapi di kota Bandung téh, ngan sok hésé neang informasi dimana jang diajarna nu bener.

Dimana kuring bisa diajar maen kacapi di Bandung?

Kujalaran kitu komunitas kuring, kudihyang pajajaran, boga kahayang rék nga-fasilitasan saha-saha waé nu rek diajar kacapi, rék kacapi kawih atawa jang tembang sunda cianjuran.
ari tempatna mah di padépokan kudihyang, di cigadung, mung waktosna mah nyanggakeun wé ka nu badé diajarna.
Nu rék ngajarna tangtu lain jalma nu kakarak diajar kacapi, tapi ku ahlina nyaéta kang GANGAN GARMANA saparakanca téa.

sok ah, ka wargi nu hoyong diajar diantos kontakna ka kuring.

ngariung yu!? urang ngobrolkeun pakarang pusaka sunda

adhiawardana — Fri, 12 Dec 2008 03:21:02 +0000

lamun teu aya halangan, poé saptu minggu hareup tanggal 20 Desember 2008, di padepokan kudihyang pajajaran rék kadatangan sababaraha tamu nu boga kaahlian jeung pangalaman kana ngulik pakarang pusaka urang sunda, nyaéta kang Tédi Permadi, kang Budi Dalton, kang Aries (dosén itenas), kang Joe, kang Gungun, sareng nu sanésna.

nu bakal di gunemkeun moal tebih ti cariosan pakarang sunda téa.
pokonamah bakalan nambahan élmu jang urang, jeung deui jang nambahan baraya urang sunda

mangga ah, dihaturanan.

— sim kuring boga kénéh hutang yeuh, Insya Alloh moal lila deui kuring rék nampilkeun naon nu geus diguar dina 3 bulan katukang, nyaéta Naskah Sunda Kuno, Aksara Sunda, Tembang Sunda Cianjuran, sareng Maenpo.—

ᮊᮥᮓᮤᮠ᮪ᮚᮀ ᮕᮏᮏᮛᮔ᮪ ᮙᮤᮀᮌᮥ ᮃᮚᮩᮔ

adhiawardana — Tue, 18 Nov 2008 07:55:52 +0000

ᮜᮙᮥᮔ᮪ ᮒᮩ ᮃᮚ ᮠᮜᮍᮔ᮪, ᮞᮘ᮪ᮒᮥ ᮃᮚᮩᮔ ᮓᮤ ᮕᮓᮦᮕᮧᮊᮔ᮪ ᮊᮥᮓᮤᮠ᮪ᮚᮀ ᮕᮏᮏᮛᮔ᮪ ᮘᮛᮤᮞ᮪ ᮍᮥᮜᮙ᮪ ᮒᮧᮊᮧᮠ᮪ ᮎᮤᮃᮔ᮪ᮏᮥᮛᮔ᮪ ᮔᮥ ᮌᮩᮞ᮪ ᮙᮧᮃᮜ᮪ ᮘᮤᮛᮩᮊ᮪ ᮓᮩᮄ, ᮑᮈᮒ ᮊᮀ ᮌᮔ᮪ᮌᮔ᮪ ᮌᮛ᮪ᮙᮔ, ᮕ ᮄᮚᮥᮞ᮪ ᮝᮤᮛᮓᮤᮛᮦᮏ, ᮘᮥ ᮉᮄᮞ᮪ ᮊᮧᮙᮛᮤᮃᮂ ᮏᮩᮀ ᮜᮧᮘ ᮓᮩᮄ.

ᮘᮤᮜᮤᮠ᮪ ᮕᮛ ᮝᮛ᮪ᮌᮤ ᮃᮚ ᮙᮤᮔᮒ᮪ ᮊᮔ ᮘᮠᮞᮔ᮪ ᮒᮨᮙ᮪ᮘᮀ ᮞᮥᮔ᮪ᮓ ᮎᮤᮃᮔ᮪ᮏᮥᮛᮔ᮪ ᮓᮤᮠᮒᮥᮛᮔᮔ᮪, ᮍᮝᮤᮒᮔ᮪ ᮒᮘᮥᮠ᮪ |᮱᮳| ᮓᮤ ᮎᮤᮌᮓᮥᮀ ᮞᮨᮜᮒᮔ᮪ ᮠᮤᮏᮤ ᮔᮧᮙᮨᮛ᮪ |᮲᮲| ᮘᮔ᮪ᮓᮥᮀ.

ᮃᮒᮔᮕᮤ ᮊᮧᮔ᮪ᮒᮊ᮪ ᮞᮤᮙ᮪ ᮊᮥᮛᮤᮀ ᮓᮤ |᮰᮲᮲᮷᮰᮱᮴᮵᮶᮷᮹|

ᮎᮌ᮪

teu tiasa maca postingan dihandap?

adhiawardana — Tue, 04 Nov 2008 14:33:14 +0000

ulah heran..
kumargi aksara sunda teh masih keneh teras dikembangkeun, seratan dihandap teh mung tiasa dibaca dina aksara sunda upami di komputerna parantos di installkeun font sunda tea

sok ah urang dukung babarengan, kumaha carana sangkan aksara sunda bisa jadi aksara nu universal, jiga aksara arab atawa kanji.

cag heula nya . . .

nyobian posting dina aksara sunda

adhiawardana — Tue, 04 Nov 2008 03:31:24 +0000

ab;di UrN sun;d

ay]n kpn;[cnn; tugs; di ngri gunuN jti

ab;di UrN sun;d

nh t] m]nN resep; kn budyn?

cara masang (install) font aksara sunda

adhiawardana — Tue, 28 Oct 2008 06:04:53 +0000

file Aksara Sunda nu kamari teh yasana kang Dian Tresna Nugraha sareng kang Dadan Sutisna, mun file nu kamari geus di download, terus di ekstrak.. terus mimiti mah kopikeun file di folder FONT nu eusina 2 font (.ttf) ka direktori windows (biasana mah di c:/windows/fonts/

geus kitu dina folder Papan Tombol, jalankeun program SundaKb1_i386.msi ieu teh program jang masang papan tombol di windows.

hiji deui, dihandap ieu kuring nyobaan ngasupkeun aksara sunda dina gambar keyboard. aya dua gambar, nu kahiji gambar posisi normal, nu kadua gambar make SHIFT.
Sugan kapake.

Aksara Sunda diterepkeun dina keyboard

ieu gambar dijieun jang ngabantuan make aksara sunda di komputer

Ngeunaan Aksara Sunda

adhiawardana — Mon, 27 Oct 2008 05:24:28 +0000

poe saptu kamari, sakumaha direncanakeun saacanna, rengrengan kudihyang pajajaran janten ngayakeun diskusi ngeunaan aksara sunda.
nu aya dina pikiran teh rek diajar maca jeung nulis dina aksara sunda hungkul, sihoreng teh jauh leuwih tikitu.

ngobrol mimiti mah ngalor-ngidul, ngobrolkeun pakarang kujang jeung sajabana, mimiti geus sholat ashar kakarak ngobrol teh jadi leuwih serius. nu jadi nara sumber utamana nyaeta kang undang harsa, anjeuna boga karesep dina maluruh naskah-naskah kuno nu ditulis make aksara sunda. panjang pisan bahasan teh, nepi tilu jam ge teu karasa bakating ku ramena. ke ah naon materi na mah, ku kuring rek ditulis lengkep lamun elmuna geus nepi… ayeuna mah ngadongeng singketna we heula

ba’da magrib kakarak asup kana bahasan aksara sunda. nu sabenerna mah aksara sunda nu dibahas didieu teh lain kumaha carana nulis atawa maca dina aksara sunda, tapi ngadongengkeun kumaha caritana nepi ka aksara sunda teh asup dina unicode internasional. tah nu apal pisan kana masalah ieu teh kang dadan sutisna.

peun heula ah.. da can beres diajarna ge. ke we lamun geus bener kuring paham jeung apal kana materina didieu urang dongengkeun deui.

ayeuna mah kieu, bilih aya nu peryogi nganggo Aksara Sunda di komputer, mangga tiasa di unduh didieu.

sok pami aya patarosan mah, sugan kuring bisa ngabantuan.

cag ah..

Kudihyang Pajajaran

adhiawardana — Wed, 22 Oct 2008 05:41:35 +0000

Geus sawatara waktu ka tukang, kuring ngilu riungan jeung sababaraha urang nonoman sunda nu masih keneh boga kareueus kana budayana.
asalnamah dina riungan eta teh can puguh rek jadi naon kahareupna, nu puguh mah tujuanna sarua, hayang nanjeurkeun deui budaya sunda jang balararea.

nu jadi simbol pangiket teh nyaeta kujang.

ari kujang teh panjang pisan sajarahna, jeung caritana ge moal cukup ku dibedah di hiji tulisan… intina wae, riungan teh di bere ngaran Kudi Hyang Pajajaran, nyaeta kecap dasar tina kujang tea.

jang nyaluyukeun kana pamaksudan diluhur, komunitas kudihyang pajajaran nu nempatan padepokan di alamat kuring, ngayakeun forum gempungan unggal dua mingguan, nu materi na mah rupa-rupa jeung di selang-seling antara gempungan diskusi umum, sareng diskusi khusus.

samentawis ayeuna kieu agenda diskusi umum teh:
- saptu 25 oktober 08 : ngabedah wawanohan aksara Sunda
- saptu minggu ka opat november : ngabedah Kasenian jeung budaya Sunda (jenis na ke di umumkeun deui)
- saptu minggu ka dua desember: ngabedah pakarang pusaka sunda
- saptu minggu kaopat januari 09 : ngabedah kaulinan budak

diselangan unggal minggu kaduana: ngabahas sunda aktual.

bilih aya baraya nu kaleresan aya di bandung, atanapi anu panasaran kana masalah nu rek dibahas, dihaturanan nyumpingan acara ieu.. samentawis mah kontak we heula ka sim kuring.

diantos.