jump to navigation

poe saptu-minggu di bandung Pébruari 13, 2006

Posted by adhiawardana in Urang Sunda.
trackback

adhuykuring karek nepi ti bandung, bieu jam tilu pisan nepina.

ti poe saptu kuring ngahaja ka bandung teh kusabab tilu pasualan:
– papanggih jeung kabogoh…
– lalajo persib
– lalajo pagelaran damas

tiluaanana asa taya nu sampurna, kieu dongengna..

kuring rencana mah indit ti cirebon jam sawelas, ngudag jam tilu sore di bandung. tapi kuring kakarak bisa indit ti kantor teh jam satengah dua beurang, meunang beus jam dua. jadina nepi di bandung teh kakarak jam genep. atuh nonton persib ge di teve di beus, eta ge sanggeus menta ka kondekturna ngaganti film teu paruguh nu keur dilalajoan ku panumpang lian.

persibalhamdulillah… PERSIB MEUNANG DEUI!!😀 lawan na teh kamari mah AREMA malang nu dilatih ku jang beni dollo.
ku lantaran hujan, maen na teh asa teu paruguh.. untung we si ridouane (ridwan) pamaen asal maroko bisa ngagolkeun hiji-hijina gol jang persib.
kiper anyar ti thailand si kosin tea ampir we nyieun blunder, ngajegal pamaen lawan di kotak penalti. untung we tajongan pamaen asing arema teh ngaco.. jadi we persib teh meunang..

acara nu kadua… malem mingguan jeung kabogoh gagal total . . . hujan gede pisan, padahal kuring kan naek angkot. geus kitu teh angkot ka jeung ti imah kabogoh kuring mah ngan aya nepi jam tujuh peuting, jadi moal bisa kamamana mun kapeutingan diditu teh… kudu leumpang balikna, da mun kudu mondok mah keheulaanan😀
tah.. poe minggu na kuring kakarak bisa panggih teh jam sawelas… terus neangan buku jeung neangan angin di kota bandung… asa geus lila teu ulin diditu🙂

ulin teh nepi ka jam lima, da cenah pimitohaeun hayang indit beurang keneh ka pagelaran damas di horison teh.
pas ngong adan magrib kuring jeung kulawarga pimitohaeun geus aya di hotel horison.
puguh we tempatna teh kosong pisan, can aya saurang-urang acan panongtonna.
hujan jam sakitu di bandung keur gede pisan. meni remen pisan dor-dar gelap deukeut hotel teh, jigana mah kusabab loba tower disabudeureun patempatan.
jam tujuh peuting panto kakarak dibuka. panongton parebut hayang meunangkeun tempat nu pang ngeunahna. kuring ge sarua, tapi diukna misah jeung pimitohaeun.. ngarah bebas😀

damasngan nya kitu… nepi ka jam dalapan teh acara can dibuka wae.. panongton geus pinuh pisan! kuring salut ka panitia kadamas nu bisa ngahadirkeun panongton nu sakitu lobana jang acara kasenian sunda !
diantara panongton teh loba pisan sesepuh sunda, diantarana aya pa solihin gp. ti widang seni mah puguh rabul ngumpul didinya teh, ti mimiti kang nano, ceu ida, pa dana setia, dalang asep truna jrrd.
gening panitia teh nungguan pa sekda jabar, pa setia hidayat, da barang anjeuna sumping mah acara teh langsung dibuka.
MC na neng achi nu biasa mawakeun acara tvri bandung.. (lumayan pikaseurieun).

hiji nu jadi catetan mimiti… kunanon unggal nu ngaranna acara kasenian di bandung mah remen pisan ku nu ngananna jelema nu hayang mere sambutan?
ti mimiti ketua panitia, sesepuh sunda(?) nepi ka pajabat pamarentah teh asana kudu we… maju ka panggung. bosen.

bubuka acara dimimitian ku rampak kendang istri. asa teu puguh.. ngaran na rampak kendang, padahal eta mah ngan saukur nari, alat bantu na make kendang, da nu ngendangan mah masterna aya lalaki di juru panggung, judulna kuduna mah tari kendang. tapi lumayan lah.. ngahibur panon da nu narina lumayan gareulis😀
nu kadua acara teh tarian ti barudak lalembut… jigana mah budak tk, aya limaan.. lumayan pikaseurieun.
sanggeus kitu acara teh dilanjutkeun ku penca. ceu saha lah, kuring teu ngabandungan ngaran na, nampilkeun penca. nu mirigna kuring ningali barudak daya sunda, biasa lah. penca mah taya nu aneh. ngan di ujungna ujug2 naek panggung si kang ibing… sarua menca oge… ngan nya kitu, dasar kang ibing.. sangkilang manehna serius ge menca na panongton mah angger sareuri…

tah… ngacona panitia kakarak katingali di acara saenggeusna. kuring poho ngaran grup nu mawakeun na, acara teh maenkeun lagu-lagu degung ageung make iringan gitar-suling jeung tarawangsa. lain hiburan na nu matak ngalieurkeun teh.. tapi nyimpen acarana nu teu paruguh pisan.. nepi ka panongton papada gelisah. kuring can nyebutkeun nya yen ac di krakatau room hotel horison na teh teu karasa saeutik-eutik acan. hareudang we pokonamah.
saberes acara eta teh kuduna mah langsung der kana pagelaran utama, ari pek teh ujug-ujug ceu ida hayang kaul.. nembangkeun hiji cianjuran.. ‘gamparan kumaha damang kuring mah pangesto bae…….’ panongton beuki gelisah… da loba barudak ngora nu teu ngarti kana kasenian nu karitu, jadi we kuring ge teu bisa ngilu neuleuman cianjuran eta. huh dasar barudak ngora sunda ayeuna!

kuring rada teu ngeunah hate ti mimiti ningali dekor panggung… ‘boga pirasat teu ngeunah yeuh jiganamah’, ceuk kuring ka kabogoh kuring.

bener we… barang prung drama dimimitian… pirasat kuring kabuktian.

mayar 40 rebu saurang ngan jang saukur nongton deui drama nu sarua, nu pernah dipaenkeun didinya oge taun heubeul!!!! kuring poho judulna naon, pokona mah kuring yakin pisan naskah na teh sarua plek)…. terus sababaraha eusina dirubah nurutkeun carita nu keur haneut jaman kiwari.. tapi angger we.. sakabehan naskahna teh sarua pisan!!!! tepi ka bobodoran na ge euweuh nu dirubah saeutik-eutik acan.
ti mimiti seting rumah sakit, terus seting ka paimahan rahayat leutik nepi ka seting kantor desa kabeh sarua. bobodoran na ge sarua!!
kuring jadi hoream ngadongengkeun eusina ge.. da kuring asa ditipu!
asa ditipu teh kusabab judulna asa anyar, terus kabeh ge teu boga prasangka goreng yen kang ibing rek mentaskeun deui naskah lila manehna, sugan teh rek naskah anyar we… nepi ka kabeh ge miharep hayang seuri ngeunah jiga bareto basa mimiti nongton.
nu boga caritaan kieu teh lain ngan ukur kuring hungkul… loba nu sarua jeung kuring, pangpangna mah barudak mahasiswa nu ngahaja hayang meunang elmu anyar ti kang ibing.
nya.. kitu lah.. untung we teu sakabeh panongton sadar yen eta teh lain garapan anyar. jadi maranehna mah angger we ger-geran seuri.

kuring ngan bisa manyun.

duit dalapan puluh rebu (da duaan) asanamah leuwih ngeunah mun dipake nongton duaan jeung kabogoh ka bioskop.. tempatna tiris, filmna rame, terus nya… kitu we lah.. duaan jeung kabogoh tea.. teu bisa diduitan….

Pairan»

No comments yet — be the first.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

%d bloggers like this: