jump to navigation

tunduh wae Juni 29, 2006

Posted by adhiawardana in Urang Sunda.
9 comments

Alhamdulillah…. kakarak ayeuna deui si wordpress teh rada bener. mudah-mudahan isukan ge angger bener ngarah kuring bisa unggal poe nyieun tulisan.

‘Dunia piala’ nu kamari kuring tulis didieu leungit tanpa rebi hilang tanpa kerana, da duka kunaon geuning sangeus di post teh ngadon error. kuring hoream kudu nulis deui ti mimiti mah, da eta mah gerentes hate saharitaun. kuring na ge geus poho deui eusina.

geus ampir tilu minggu ti mimiti piala dunia dimimitian kuring teu weleh nongton kabeh pertanfingan. aya rasa puas kana batin mun geus nongton teh. resep atuh da… tapi nya kitu tea, akibatna unggal peuting begadang teh, isuk-isukna hudang teh sok kabeurangan wae. jadi kuring mending mondok di kantor ngarah teu kabeurangan gawe na ge. tapi mondok di kantor teh aya oge akibatna. sare jadi teu ngeunah, da kudu pasesedek jeung babaturan, bari sarena lain di kasur. cukup diamparan karpet atawa di korsi. pokonamah isukna teh teu ngareunah awak lah…. beda pisan jeung di imah mah.

tinggal opat bulan deui kuring ngabujang teh. mun euweuh halangan, ku Alloh di idinan, kuring rek jatukrami jeung nu geulis urang bandung tea. nepi ka ayeuna tanggal geus ditetepkeun, tempat geus di booking. nu can disiapkeun teh diantarana konsumsi, undangan jeung kasenian. rencanana mah unggal sabtu-minggu mun kuring ka bandung rek ngilu ngurusan, karunya si eneng cape sorangan.

pagawean, Alhamdulillah, ayeuna ge keur lancar. mun diparengkeun oge, senen hareup teh kuring geus gawe di pt sorangan. rencanana poe ahad rek ngarumpul komisarisna, kuring mah rek ka bandung ah… sono.

tanggal 28 kamari kuring geus narima motor anyar. geus karasa butuh yeuh aya alat transport teh. da make mobil geuningan mahal pisan, teu kuat ku ongkosna. sugan we ku si supra biru jadi bisa ngirit deui kuring teh. ngan nomor jeung stnk na can beres.. biasana 2 mingguan cenah dijieun na teh. ayeuna si motor teh ngan bisa dipake ti kantor ka imah we hungkul.

jumaah ayeuna kuring balik masih make beus, mudah-mudahan minggu hareup mah geus bisa naek si supra biru tea.

persib gagal total. di liga jeung di copa manehna teu bebenangan pisan. kuring ngan bisa ngilu sedih. awas we mun taun hareup ge masih keneh kieu… moal dilalajoanan deui sih ku kuring… har… naon rugina jang persib nya? *_*

ghana ge gagal. kamari eleh ku brasil. padahal mun ningali maen na mah atuh da kudu meunang. aralus maen na teh, kerjasamana ge hade. ngan katingali kurang pangalaman hungkul. jadi eleh.

kumaha nya kaayaan kota bandung?
masih keneh bararau kitu?
masih keneh mararacet kitu?
masih keneh loba nu geulis teu nya ? 😀

Bandung, Runtah jeung Riweuh Juni 22, 2006

Posted by adhiawardana in Urang Sunda.
5 comments

kunaon sih unggal ka bandung ayeuna kuring asa haroream???

padahal mah nu ngaranna lemah cai sorangan teh ti baheula ge teu weleh dipupuja ku kaula. ti leuleutik kuring hirup di bandung. ti mimiti dago loba sawah keneh, tepi ka ayeuna euweuh lapang-lapang jang menbal acan kurin apal.

ampir dua taun ayeuna bandung teh nyaan heurin ku tangtung. karasa pisan, kusabab si kuring ngan balik unggal poe saptu-ahad hungkul di bandungna. jadi ngarasakeun kumaha padedetna kota bandung ayeuna.

komo deui kamari mah, kota bandung teh di leleran ‘kota metropolitan pang kotorna sa indonesia’. eh… cep walikota teh ngadon hayoh bangga, majarkeun teh ‘kota bandung ge kuduna mah meunang penghargaan jang usahana ngaleungitkeun runtah nu sakitu patumpukna’.
BEU!!!! teu boga kaera pisan cep walikota teh.
kusabab bandung heurin ku runtah, Alhamdulillah aya mangpaatna oge jang urang bandung sorangan.
juragan-juragan nu biasana unggal saptu-ahad ngareang di kota bandung, nepi ka pinuh pisan mobil pelat ‘B’ di kota nu kuduna pelat ‘D’ teh kamari mah jadi haroreameun ka bandung.

ayeuna cenah runtah teh geus mimiti diangkutan. keun we lah, tong diberitakeun ka urang jakarta!!
keun atuh sakali-sakali mah, urang bandung sorangan teh bisa ngarasakeun kota nu bebas macet, ngeunah jang istirahat di kota sorangan.

kapan cenah hayang bandung teh Genah, Merenah tur Tumaninah????
cik atuh nu mimiti ngarasakeun Genah-Merenah-Tumaninah teh urang bandung heula, lain urang deungeun.

ayeuna mah slogan bandung teh cenah hayang jadi kota ‘BERMARTABAT’.
kumaha rek bermartabat lamun urang bandung na sorangan teu boga rasa ieu aing ditanah sorangan?
geus puguh ari ningali si jawara kota bandung, PERSIB, eleh wae mah… beuki we.. tidak ada martabatna jadi urang bandung teh.

ayeuna rek naon nu rek dibanggakeun coba??????