jump to navigation

dikantun bapa mertua April 8, 2007

Posted by adhiawardana in Urang Sunda.
trackback

asa hayang ceurik, poe senen minggu kamari mertua lalaki si kuring ngantunkeun. Innalillahi wa inna ilaihi rooji’uun.

si bapa teh geus lila geringna teh, tapi tara dirarasakeun. gering ge lain gerng parna nu manglila-lila, teu pira ngan saukur nyeri suku jeung leungeun.. matak si bapa teh geus lila oge diubaran ka dokter syaraf jeung ka alternatip jang ngubaran kanyerina.

basa poe jumaah kamari anjeuna menta dianteur ka dokter penyakit dalam, dulur keneh si dokter teh. karasana ti jam 3 sore geus sesek jeung nyeri napas. ari sugan teh kusabab cape teuing da anjeuna kakarak balik ti cina, nguruskeun pagawean. ari pas dibawa ka dokter teh sihoreng kudu langsung diopname di RSHS, cenah aya gejala jantungna keuna. beu!! meni asa rareuwas.. da saumur-umur mah asa can kapanggih anjeuna boga masalah jantung teh.

keukeuh kudu ks RSHS cenah, da didinya nu alatna pang anyarna(ceuk dokter), terus kudu dirawat di CICU cenah. ari geus nepi ka rancabadak anjeuna teu bisa langsung asup ka CICU da parinuh ceunah… jadi we dirawat di HCU parahiangan.

keun ah rada reugreug bareto teh, da di HCU katingalina rada ngeunaheun tempatna jeung alus perawatanna. ari poe ahad peuting anjeuna ngarasa sesek deui. atuh dokter ge digeroan, terus we anjeuna dipindahkeun ka CICU da geus aya nu kosong cenah.

isuk-isuk ditungguan ku kuring di CICU anjeuna katingali seger pisan. beungeutna geus sumringah deui, jeung geus bisa dahar nginum sorangan. ngeunah cenah dahareuna.

ningali bapa geus rada seger teh si kuring jeung pamajikan balik ka imah, gantian jeung mama nungguan bapa teh. kabeneran si kuring ge aya pagawean nu teu bisa ditinggalkeun. ari kakarak nepi ka tempat gawe kuring diteteang ku dulur nu gawe didinya, aya kabar bapa teh kudu dibawa ka harapan kita jakarta, 3 pembuluh darah nu ngalir ka jantungna geus 100% katutup kabeh!

geuwat kuring ngaburu ka imah, nyusulan pun bojo terus ka rumah sakit. sempet ngobrol tutap-titip heula si bapa teh ka anak-anakna, termasuk ka kuring. jam opat sore anjeuna dibawa make ambulance ka jakarta, kuring nuturkeun ditukang mawa mobil sorangan.

di km 84 cipularang anjeuna sempet ngaleungit heula, untung ku dokter nu ngilu di ambulance geuwat disadarkeun deui. jam 7 peuting nepi ka harapan kita, can sempet dioperasi, kakarak nepi ruang tindakan anjeuna geus ngantunkeun..

nu nyieun kuring bangga, ningali nu ngalayad boh ka imah, boh ka makam sakitu rebulna… loba pisan…

kitu geuningan ari jelema bageur mah… ku sasaha pada dinyaah.

duh bapa… biheung teuing mun kuring maot mah aya nu nganteur jeung ngurus jasad kuring jiga batur nganteur jeung ngurus jasad bapa.

Alloohummaghfirlahu.. warhamhu.. wa’aafihii.. wa’fu’anhu… wa akrim nuzuulahuu…

Pairan»

1. avid - Méi 12, 2007

ngiring bela sungkawa kang…

2. Herna Hermawan - Januari 6, 2008

sing di tampi iman islamna kang……..

3. a l f i - Méi 19, 2008

inna liLlahi wa inna Ilaihi raji’uun…
baru tau yudh… salam buat ditha…


Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

%d bloggers like this: