jump to navigation

Ngahirupkeun (deui) sundanet.com Juni 6, 2007

Posted by adhiawardana in Urang Sunda.
16 comments

Minggu kamari si kuring ditepangkeun deui sareng baraya ti sundanet.com nyaeta kang beni sareng teh lina. geus lila pisan kuring teu tepang, puguh sono nu aya bari kabeneran loba nu rek ditanyakeun ka aranjeuna.
geus lila kuring reueus ka masalah kasundaan, utamana kana masalah seni jeung budaya urang sunda. baheula mah, asana ti taun 2001, lamun neang masalah kasundaan nu dibuka teh kahiji situs sundanet.com, da didinya kuring bisa manggihan referensi nu lumayan lengkep masalah budaya jeung kasenian sunda teh.
ari kadieunakeun mah kuring geus jarang mukaan deui, da geuning ti mimiti nepi ka ayeuna teh eusina ngan kitu-kitu wae, asa can aya parobahan nu saluyu jeung motona ‘ngigelan jeung ngigeulkeun jaman’.
ari geus ngobrol panjang mah jeung kang beni teh, geuningan nu dipikahayang ku rengrengan sundanet.com ge sarua, nyaeta ngahirupkeun deui situs http://www.sundanet.com. keun ari masalah nyieun deui tampilan situs ku gaya anyar mah gampang,  ngan nu jadi masalah nyaeta kumaha ngajaga kahirupan eta situs.
atuh kudu aya saratna, diantarana teh aya komunitas nu matuh di eta situs, warta atawa caritaan ngeunaan sunda nu ‘up to date‘, jeung sajabana.
kuring jeung rengrengan dimenta tulung jang ngadesain ulang situs sundanet jeung neangan cara kumaha ngarah bisa langgeng.

sok kuring rek menta tulung deui ka baraya…. manawi gaduh usul jeung saran naon wae nu kudu aya di eta situs, mangga urang diskusikeun.

Advertisements